ಘಮ ಘಮಾ ಘಮ್ಮಾಡಿಸ್ತಾವ ಮಲ್ಲಿಗಿ / Ghama Ghama Ghammadistava malligee

ರಚನೆ : ದ .ರಾ. ಬೇಂದ್ರೆ 

ಘಮ ಘಮಾ ಘಮ್ಮಾಡಿಸ್ತಾವ ಮಲ್ಲಿಗಿ  | ನೀ ಹೊರಟಿದ್ದೀಗ ಎಲ್ಲಿಗೀ ?

ಘಮ ಘಮಾ..................... || ಪಲ್ಲವಿ ||

೧

ತುಳುಕ್ಯಾಡತಾವ ತೂಕಡಿಕಿ 

ಎವಿ ಅಪ್ಪತಾವ ಕಣ್ಣ ದುಡುಕಿ 

ಕನಸು ತೇಲಿ ಬರತಾವ ಹುಡುಕಿ ||

ನೀ ಹೊರಟಿದ್ದೀಗ ಎಲ್ಲಿಗೀ ?

೨

ಚಿಕ್ಕಿ ತೋರಿಸ್ತಾವ ಚಾಚಿ ಬೆರಳ 

ಚಂದ್ರಮ ಕನ್ನಡಿ ಹರಳ 

ಮನ ಸೋತು ಆಯಿತು ಮರುಳ ||

ನೀ ಹೊರಟಿದ್ದೀಗ ಎಲ್ಲಿಗೀ ?

೩

ನೆರಳಲ್ಲಾಡತಾವ ಮರದ ಬುಡsಕ

ಕೆರಿ ತೆರಿ ನೂಗತಾವ ದಡಕs 

ಹೀಂಗ ಬಿಟ್ಟು ಎಲ್ಲಿ ನನ್ನ ನಡsಕ 

ನೀ ಹೊರಟಿದ್ದೀಗ ಎಲ್ಲಿಗೀ ?

೪

ನನ್ನ ನಿನ್ನ ಒಂದತನದಾಗ 

ಹಾಡು ಹುಟ್ಟಿ ಒಂದು ಮನದಾಗ 

ಬೆಳದಿಂಗಳಾತು ಬನದಾಗ || 

ನೀ ಹೊರಟಿದ್ದೀಗ ಎಲ್ಲಿಗೀ ?

೫

ಬಂತ್ಯಾಕ ನಿನಗ ಇಂದ ಮುನಿಸು 

ಬೀಳಲಿಲ್ಲ ನನಗ ಇದರ ಕನಸು 

ರಾಯ ತಿಳಿಯಲಿಲ್ಲ ನಿನ್ನ ಮನಸು ||

ನೀ ಹೊರಟಿದ್ದೀಗ ಎಲ್ಲಿಗೀ ?