ಸಂಗೀತ, ಗಾಯನದೊಡನೆ ಭಾವಗೀತೆಗಳನ್ನು ಒದಗಿಸುವ ಅನೇಕ ಅಂತರ್ಜಾಲದ ತಾಣಗಳಿದ್ದರೂ ಸಹ ಕೇವಲ ಭಾವಗೀತೆಗಳ ಸಾಹಿತ್ಯಕ್ಕೆ ಮೀಸಲಾದ ತಾಣವಿರುವುದೇ? ತಿಳಿಯದು. ಆದರೆ ಎಷ್ಟೋ ಬಾರಿ ಇಲ್ಲಿ ಅಲೆಯುತ್ತ ಕವಿತೆಗಳ ಸಾಹಿತ್ಯಕ್ಕಾಗಿ ಅರಸಿದಾಗ ತೃಪ್ತಿಯಾಗುವಂತಹ ಫಲಿತಾಂಶ ನನಗಂತೂ ದಕ್ಕಿಲ್ಲ. ಆದ್ದರಿಂದಲೇ ಈ ಪುಟ್ಟ ಪ್ರಯತ್ನ. ಭಾವಗೀತೆಗಳ ಯಾವುದಾದರು ಸಾಲುಗಳು ಇಲ್ಲಿ ತಪ್ಪಾಗಿ ಬರೆಯಲ್ಪಟ್ಟಿದ್ದರೆ ತಿಳಿಸಿ, ಎಷ್ಟೋ ಗೀತೆಗಳು ರಚನಕಾರರ ಹೆಸರಿಲ್ಲದೆ ಹಾಗೆ ಬರೆಯಲ್ಪಟ್ಟಿವೆ, ತಿಳಿದಿದ್ದವರು ಅದನ್ನು ತಿದ್ದಬಹುದು. ಈ ಸಣ್ಣ ಪ್ರಯತ್ನದ ಬಗ್ಗೆ ನಿಮ್ಮ ಒಂದು ಚಿಕ್ಕ ಅಭಿಪ್ರಾಯವನ್ನು ತೇಲಿಬಿಟ್ಟರೆ ಮುದವೆನಿಸುವುದು.




Monday 31 December 2012

ದೇಹವನು ಹೀಗಳೆಯಬೇಡ / Dehavanu heegaleyabeda

ದೇಹವನು ಹೀಗಳೆಯಬೇಡ
ಗೆಳೆಯ... ದೇಹವನು ಹೀಗಳೆಯಬೇಡ
ನೀನಾಗಿ ಕಲ್ಪಿಸಿದ ಮಾಪಕಗಳಿಂದ...

ಮೂಳೆ ಮಾಂಸದ ತಡಿಕೆಯಿದು ಪಂಜರ
ಎಂದು ನೀನೆಂದರೂ ಇದು ಸುಂದರ
ಭವದೆಲ್ಲ ಅನುಭವ ಇದರ ಕೊಡುಗೆ
ಅನುಭಾವಕೂ ಇದೇ ಚಿಮ್ಮು ಹಲಗೆ

ನೀ ಪಠಿಸುವಾಗಲೂ ತಾರಕದ ಮಂತ್ರ
ತನ್ನ ಪಾಡಿಗೆ ತಾನು ದುಡಿವುದೀ ಯಂತ್ರ
ಇದಕಿತ್ತರೂ ನಿನ್ನ ನಾಮಧೇಯ
ನಿನಗಿಂತಲೂ ಪ್ರಕೃತಿಗೆ ಇದು ವಿಧೇಯ

ಈ ಏಣಿಯನ್ನೆ ಬಳಸಿ ನೀನೇರುವೆ
ಕಡೆಗಿದನೆ ತೊಡಕೆಂದು ನೀ ದೂರುವೆ
ದೇಹವನು ತೊರೆದು ನೀ ಪಾರಾದ ಬಳಿಕ
ಏನಿದ್ದರೇನು ಎಲ್ಲಿ ಸಂಪರ್ಕ..

* ರಚನೆ ಯಾರದೆಂದು ತಿಳಿದಿಲ್ಲ.

Download this song

4 comments:

  1. ವಸು ಅವರೆ,
    ಈ ಕವನ ಬಿ. ಆರ್. ಲಕ್ಷ್ಮಣ ರಾವ್ ಅವರದ್ದೆಂದು ಈ ಕೊಂಡಿ ಹೇಳುತ್ತದೆ - http://kannada.oneindia.in/nri/article/2004/050304triveni.html
    - ಕೇಶವ ಮೈಸೂರು

    ReplyDelete
  2. This comment has been removed by the author.

    ReplyDelete
  3. LYRICIST: B. R. Lakshmana Rao

    http://www.saavn.com/s/song/kannada/Haade-Maathaade/Dehavanu-Heegaleya-Beda/AQEvHD8IA2c

    ReplyDelete
  4. Sung by YK Muddukrishna & Puttur Narasimha Nayak. Music GV Athri

    ReplyDelete