ಸಂಗೀತ, ಗಾಯನದೊಡನೆ ಭಾವಗೀತೆಗಳನ್ನು ಒದಗಿಸುವ ಅನೇಕ ಅಂತರ್ಜಾಲದ ತಾಣಗಳಿದ್ದರೂ ಸಹ ಕೇವಲ ಭಾವಗೀತೆಗಳ ಸಾಹಿತ್ಯಕ್ಕೆ ಮೀಸಲಾದ ತಾಣವಿರುವುದೇ? ತಿಳಿಯದು. ಆದರೆ ಎಷ್ಟೋ ಬಾರಿ ಇಲ್ಲಿ ಅಲೆಯುತ್ತ ಕವಿತೆಗಳ ಸಾಹಿತ್ಯಕ್ಕಾಗಿ ಅರಸಿದಾಗ ತೃಪ್ತಿಯಾಗುವಂತಹ ಫಲಿತಾಂಶ ನನಗಂತೂ ದಕ್ಕಿಲ್ಲ. ಆದ್ದರಿಂದಲೇ ಈ ಪುಟ್ಟ ಪ್ರಯತ್ನ. ಭಾವಗೀತೆಗಳ ಯಾವುದಾದರು ಸಾಲುಗಳು ಇಲ್ಲಿ ತಪ್ಪಾಗಿ ಬರೆಯಲ್ಪಟ್ಟಿದ್ದರೆ ತಿಳಿಸಿ, ಎಷ್ಟೋ ಗೀತೆಗಳು ರಚನಕಾರರ ಹೆಸರಿಲ್ಲದೆ ಹಾಗೆ ಬರೆಯಲ್ಪಟ್ಟಿವೆ, ತಿಳಿದಿದ್ದವರು ಅದನ್ನು ತಿದ್ದಬಹುದು. ಈ ಸಣ್ಣ ಪ್ರಯತ್ನದ ಬಗ್ಗೆ ನಿಮ್ಮ ಒಂದು ಚಿಕ್ಕ ಅಭಿಪ್ರಾಯವನ್ನು ತೇಲಿಬಿಟ್ಟರೆ ಮುದವೆನಿಸುವುದು.




Thursday 25 August 2011

ನೀನಿಲ್ಲದೆ ನನಗೇನಿದೆ! / Neenillade nanagenide

ನೀನಿಲ್ಲದೆ ನನಗೇನಿದೆ,
ಮನಸೆಲ್ಲ ನಿನ್ನಲ್ಲೇ ನೆಲೆಯಾಗಿದೆ 
ಕನಸೆಲ್ಲ ಕಣ್ಣಲ್ಲೇ ಸೆರೆಯಾಗಿದೆ || ಪ ||

ನಿನಗಾಗಿ ಕಾದು ಕಾದು ಪರಿತಪಿಸಿ ನೊಂದೆ ನಾನು 
ಕಹಿಯಾದ ವಿರಹದ ನೋವು ಹಗಲಿರುಳು ತಂದೆ ನೀನು (೨)
ಎದೆಯಾಸೆ ಏನೋ ಎಂದು ನೀ ಕಾಣದಾದೆ 
ನಿಶೆಯೊಂದೆ ನನ್ನಲ್ಲಿ ನೀ ತುಂಬಿದೆ 
ಬೆಳಕೊಂದೆ ನಿನ್ನಿಂದ ನಾ ಬಯಸಿದೆ || ನೀನಿಲ್ಲದೆ ||

ಒಲವೆಂಬ ಕಿರಣ ಬೀರಿ ಒಳಗಿರುವ ಬಣ್ಣ ತೆರೆಸಿ 
ಒಣಗಿರುವ ಎದೆನೆಲದಲ್ಲಿ ಭರವಸೆಯ ಜೀವ ಹರಿಸಿ (೨)
ಸೆರೆಯಿಂದ ಬಿಡಿಸಿ ನನ್ನ ಆತಂಕ ನೀಗು 
ಹೊಸ ಜೀವ ನಿನ್ನಿಂದ ನಾ ಪಡೆಯುವೆ 
ಹೊಸ ಲೋಕ ನಿನ್ನಿಂದ ನಾ ಕಾಣುವೆ || ನೀನಿಲ್ಲದೆ ||


                                                                  - ಎಂ. ಎನ್. ವ್ಯಾಸರಾವ್ 

5 comments:

  1. ಎಂ.ಎನ್.ವ್ಯಾಸರಾವ್ ಬರೆದದ್ದು ಅಲ್ವಾ?

    ReplyDelete
    Replies
    1. ಹಾಡನ್ನು ಕೇಳಿ ಬರೆದುಕೊಂಡಿದ್ದೆ. ಕವನ ಸಂಕಲನ ಇಲ್ಲ. ವ್ಯಾಸರಾಯರದ್ದು ಎಂದು ಕೇಳಿದಂತಿತ್ತು. ಖಾತ್ರಿಯಿರಲಿಲ್ಲ. ಈಗ ಸೇರಿಸಿದ್ದೇನೆ ನೋಡಿ. ತಿಳಿಸಿದ್ದಕ್ಕೆ ಧನ್ಯವಾದಗಳು. - ವಸು.

      Delete
  2. ನಿಮ್ಮ ಬ್ಲಾಗ್ ತುಂಬಾ ಇಷ್ಟವಾಯಿತು. ಭಾವಗೀತೆಗಳು ಮನುಷ್ಯನ ಭಾವನೆಗಳನ್ನು ಪ್ರತಿಬಿಂಬಿಸುವ ಸುಂದರ ರಚನೆಗಳು. ನನಗೆ ಭಾವಗೀತೆಗಳು, ಅದರಲ್ಲೂ ಎಂ.ಡಿ. ಪಲ್ಲವಿ ಮತ್ತು ಸಿ. ಅಶ್ವಥ್ ಅವರು ಹಾಡಿದ ಭಾವಗೀತೆಗಳು ಬಹಳ ಇಷ್ಟ. ನಿಮ್ಮ ಬರವಣಿಗೆ ಹೀಗೆಯೇ ಮುಂದುವರೆಯಲಿ...

    ReplyDelete
  3. ಧನ್ಯವಾದಗಳು😊 ಈ‌ಹಾಡು ಹುಡುಕಿದಾಗ
    ಇದರ ಸಾಹಿತ್ಯ ದೊರಕಿತು.

    ReplyDelete